Pages

10th Jun 2010 News & Picture

10th Jun 2010 News & Picture

New Karachi Town News



ٹاؤن میونسپل ایڈمنسٹریشن نیو کراچی 
ایڈمنسٹریٹر نیو کراچی ٹاؤن سید کمال احمد نے سیکٹر الیون ڈی اورالیون ایف میں نالے پر انکروچمنٹ کے خلاف کارروائی کرتے ہوئے نالے پر غیر قانونی تعمیر کورین ایمر جینسی اسکواڈ کے ذریعے منہدم کرادیا اور سینی ٹیشن کے عملے کے ذریعے برساتی نالوں میں پانی کی نکاسی میں حائل رکاوٹوں کو دور کرایا،اس موقع پر انکے ہمراہ ٹی او (آئی ایس ) اقبال احمد خان،سپرنٹنڈنگ انجینئر (واٹر اینڈ سیوریج )کامران رشید،ڈی ٹی او ( بی اینڈ آر) نازش رضا،ڈی ٹی او (سینی ٹیشن )حسام جلالی ،ڈی ٹی او ،باغات اکبر حسین، ڈی ٹی او( لینڈ )عبدالمجید اور ڈی ٹی او (انفارمیشن) عالمگیر سیفی اور دیگر افسران بھی موجود تھے۔نالے اسٹاپ سیکٹر ۱۱۔ایف نیو کراچی پر چوک ہونے والے نالے پر ایڈمنسٹریٹر نیو کراچی ٹاؤن سید کمال احمد کی بروقت کاراوائی کے نتیجے میں 5000روڈ پر ٹریفک کا نظام فوری بحال کردیا گیا تفصیلات کے مطابق گزشتہ بارشوں کے نتیجے میں نیو کراچی ٹاؤن کے تمام برساتی نالوں میں پانی کا اخراج تواتر سے جاری ہے لیکن مزکورہ نالے پر انکروچمنٹ کی وجہ سے نالا چوک ہوا جس پر ایڈمنسٹریٹر نیو کراچی ٹاؤن سید کمال احمد نے اپنی نگرانی میں رین ایمرجنسی اسکواڈ کے زریعے سڑک پر جمع ہونے والے پانی کے نکاسی کا انتظام کیا اور ہیوی مشنری کے زریعے نالے کے چوک پوائنٹ کو اوپن کیا اس موقع پر سید کمال احمد نے کہا کہ برساتی نالوں پر ناجائز تجاوزات نکاسئی آب و سیوریج کی راہ میں بڑی رکاوٹ ہیں جن کو بروقت ختم کرنا بہت ضروری ہے انہوں نے عوام سے اپیل کی کہ کسی بھی جگہ ناجائز تجاوزات کی تعمیر کی اطلاع فوری طور پر ٹاؤن انتظامیہ کو دیں جبکہ انینٹی انکروچمنٹ ڈپارٹمنٹ کے ذمہ دارافسران کو ہدایت کی کہ نیو کراچی ٹاؤن میں کسی بھی قسم کی ناجائز تجاوزات کو پنپنے کا موقع نہ دیں۔واضح رہے کہ نیو کراچی ٹاؤن سیکٹر الیون ڈی اورالیون ایف میں برساتی نالوں پر ناجائز تجاوزات کی تعمیر کی وجہ سے نالوں سے سیوریج اور برساتی پانی کی نکاسی میں رکاوٹ پیدا ہورہی تھی جس کی اطلاع ملتے ہی ٹاؤن ایڈمنسٹریٹر سیدکمال احمد نے فوری طور اپر رین ایمرجینسی اسکواڈ،بی اینڈ آر اورسینی ٹیشن کے عملے کو ساتھ لے کر کارروائی کی اور ناجائز تعمیرات کو منہدم کراکر نالے کی صفائی کرائے اور سیوریج و بارش کے رکے ہوئے پانی کی نکاسی کو جاری کرایا۔ٹاؤن ایڈمنسٹریٹر نے ہدایت کی کہ برساتی نالوں پر ہونے والی ناجائز تجاوزات پر خصوصی نظر رکھی جائے اور انہیں کسی طور تعمیرنہ ہونے دیا جائے ۔
جاری کردہ : 

ڈپٹی ٹاؤن آفیسر 

(انفارمیشن ) 

محکمہ اطلاعات و تعلقات عامہ 

نیو کراچی ٹاؤن 


9th Jun 2010 News & Picture

9th Jun 2010 News & Picture

New Karachi Town News


ٹاؤن میونسپل ایڈمنسٹریشن نیو کراچی 

مورخہ۹؍جون ۲۰۱۰ء ؁ 

ٹاؤن ایڈمنسٹریٹر نیو کراچی ٹاؤن سید کمال احمد نے ۱۰؍جون سے شروع ہونے والے ہفتہء صفائی کے انتظامات کو حتمی شکل دینے کے لئے بلائے گئے اجلاس میں ٹاؤن انتظامیہ کے افسران اور عملے سے خطاب کرتے ہوئے بارش کے دوران نیو کراچی ٹاؤن کو ہر قسم کی ہنگامی صورت حال سے محفوظ رکھنے کے لئے ٹاؤن انتظامیہ کے افسران و کارکنان کی انتھک کارکردگی کی تعریف کرتے ہوئے انہیں خراج تحسین پیش کیا انہوں نے حق پرست ارکان قومی و صوبائی اسمبلی شیخ صلاح الدین(ایم این اے ) ،عادل صدیقی وزیرِ صحت و انجینئر نگ حکومت سندھ، مشیر برائے وزیراعلی سندھ خواجہ اظہارالحسن اور عادل خان (ایم پی اے) کا خصوصی شکریہ ادا کیا کہ انہوں نے بارش کے دوران نیوکراچی ٹاؤن کو ہر قسم کے تعاون سے نوازا بلکہ بہ نفس نفیس ٹاؤن کے مختلف علاقوں کا دورہ کیا اور ٹاؤن انتظامیہ کے ساتھ قدم قدم ساتھ رہے۔اس موقع پر ٹاؤن افسران سے خطاب کرتے ہوئے سیدکمال احمد نے کہا کہ صفائی نصف ایمان ہے اس لئے بحیثیت مسلمان ہمیں نہ صرف اپنی روح ،اپنی ذات ،اپنے گھر بلکہ اپنے محلے اور ٹاؤن کی صفائی کابھی خیال رکھنا چاہئے ۔ٹاؤن انتظامیہ کے اولین فرائض میں صفائی کے انتظامات بھی شامل ہیں اس لئے 10جون سے شروع ہونے والی صفائی مہم کو کامیاب بنانے کے لئے ہر افسر اور اہلکار بھر پور کرادار ادا کرے ۔ اجلاس میں ٹاؤن آفیسر اقبال احمد خان ،ڈپٹی ٹاؤن آفیسر سینی ٹیشن حسام جلالی، چیف سینٹری انسپیکٹرسید سرور علی ،موٹر وہیکل انچارج سید ندیم حیدر ، ڈی ٹی او (بی اینڈ آر) نازش رضا ، ڈی ٹی او(باغات)اکبرحسین ڈی ٹی او (انفارمیشن) عالمگیر سیفی اور ٹاؤن سینی ٹیشن انسپکٹرز و سب انسپکٹرزاور محکمہ باغات کے عملے کے ارکان بھی موجود تھے۔انہوں نے مزید کہا کہ نیو کراچی ٹاؤن کو شہر کے شفاف ترین ٹاؤنز کی صف میں شامل کرنے کے لئے کے لئے ہر فرد کو اپنی اپنی ذمہ داری بخوبی نبھانی چاہئے ،اس موقع پر انہوں نے ٹاؤن کے عوام کو مخاطب کرتے ہوئے کہا کہ وہ اپنے علاقوں کو صاف ستھرارکھنے میں ٹاؤن انتظامیہ کے ساتھ تعاون کریں اور کوڑا کرکٹ مقررہ جگہوں پر شاپنگ بیگز میں بھر کر ڈالیں کیونکہ صاف ستھرے لوگ اپنے گھر کی طرح اپنے محلے اورٹاؤن کو بھی صاف ستھرا رکھتے ہیں یقیناصاف ستھرے علاقے رہا ئشی فراد کی بہترفکر و مزاج کی عکاسی کرتے ہیں۔واضح رہے کہ بارشوں کے بعد سٹی حکومت نے شہر بھر میں شاہراہوں کی صفائی کے لئے ہفتہء صفائی شروع کیا ہے ،اس پروگرام کے تحت نیو کراچی ٹاؤن میں بھی 10جون بروز جمعرات سے ہفتہء صفائی کا آغاز ہورہا ہے ،اس دوران نیو کراچی ٹاؤن کی تمام گلیوں،سڑکوں اور شاہراہوں کی صفائی بذریعہ مشینری اور مینول افرادی قوت کے ذریعے جاری رہے گی۔ٹاؤن ایڈمنسٹریٹر سید کمال احمد نے عملے اور عوام پر زور دیا ہے کہ صفائی مہم کے خاتمے کے بعد بھی ٹاؤن میں صفائی کو برقرار رکھا جائے اور صاف ستھری شہری زندگی کی بہترین مثال قائم کرنے کی کوشش کی جائے۔ اس سلسلے میں انہوں نے سینی ٹیشن کے عملے کو ٹاؤن میں صفائی کے موئثر اقدا مات کرنے اور بر وقت صفائی ستھرائی کو ممکن بنائیں۔ اس موقع پر سیدکمال احمد نے کہاکہ بارش کے دوران بہتر کارکردگی کا مظاہرہ 
کرنے پر ٹاؤن انتظامیہ کے عملے کو انسینٹو دینے کا وعدہ کیا۔ 

جاری کردہ : ڈپٹی ٹاؤن آفیسر 

شعبہء اطلاعات و تعلقات عامہ

نیو کراچی ٹاؤن 

7th Jun 2010 News & Picture

7th Jun 2010 News & Picture

New Karachi Town News


ٹاؤن میونسپل ایڈمنسٹریشن نیو کراچی 

مورخہ:۷؍جون ۲۰۱۰ء

ٹاؤن ایڈمنسٹریشن نیو کراچی کی جانب سے بارش کی تباہ کاریوں اور ان سے نمٹنے کے انتظامات کا جائزہ لینے کے لئے حق پرست ممبران قومی و صوبائی اسمبلی شیخ صلاح الدین (ایم این اے) حق پرست صوبائی وزیر ہیلتھ اینڈانجینئرنگ سندھ عادل صدیقی اور وزیر اعلی سندھ کے مشیرخواجہ اظہار الحسن نے ٹاؤن ایڈمنسٹریٹر سید کمال احمد کے ہمراہ نیو کراچی ٹاؤن کا ہنگامی دورہ کیا اور مختلف علاقوں میں بارش سے پیدا ہونے والی مشکلات کو دور کرنے کے سلسلے میں ٹاؤن انتظامیہ کی کوششوں کا جائزہ لیا۔ اس موقع پر حق پرست وزراء نے کہا کہ قائد تحریک محترم الطاف حسین بھائی کے فکرو فلسفے کی روشنی میں حق پرست قیادت ہر موسم اور حال میں عوام کی مشکلات کو دورکرنے کے لئے ہمہ وقت تیار رہتی ہے انہوں نے مختلف یوسیز میں بارش سے متاثرہ علاقوں کا دورہ کیا اور ٹاؤن ایڈمنسٹریٹر کی جانب سے کئے گئے ممکنہ ہنگامی صورت حال سے نمٹنے کے انتظامات کا جائزہ لیا اس موقع پر انہوں نے مختلف علاقوں میں عوام سے ملاقات بھی کی اور انکی پریشانیوں کے بارے میں براہ راست معلومات حاصل کیں ،ٹاؤن ایڈمنسٹریٹر سید کمال نے حق پرست ممبرانِ قومی و صوبائی اسمبلی کو ٹاؤن کی جانب سے اُٹھائے گئے اقدامات سے آگاہ کیا انہوں نے بتایا کہ بارش کی ابتداء کے ساتھ ہی نیو کراچی ٹاؤن انتظامیہ نے امدادی کارروائی شروع کردی تھی اور آج صبح بھی مختلف علاقوں سے نالوں سے پانی کی نکاسی کو بہتر بنایا گیا جس کی بناء پر نیو کراچی کے کسی علاقے میں پانی جمع نہیں ہوسکا۔اس موقع پر نیو کراچی کے سیکٹر انچارج و سیکٹر کمیٹی کے اراکین اور کارکنان کی بڑی تعداد کے علاوہ،ٹی او ( آئی ایس )اقبال احمد خان،سپرنٹنڈنگ انجینئر(واٹر) کامران رشید اور ڈی ٹی او انفارمیشن عالمگیر سیفی بھی موجود تھے۔ واضح رہے کہ نیو کراچی سے تعلق رکھنے والے حق پرست ارکان قومی و صوبائی اسمبلی اپنے حلقہء انتخاب کے عوام کے دکھ درد میں ہردم شریک رہتے ہیں اور کراچی بلخصوص نیو کراچی کی ترقی کے لئے ہر ممکن اقدامات کررہے ہیں ۔حالیہ بارشوں اور سمندری طوفان کی پیش گوئی پر حق پرست قیادت نے نیو کراچی ٹاؤن کے عوام کو ممکنہ پریشانی سے بچانے کے لئے ٹاؤن سے ہرممکن تعاون کیا ،یقیناًایسے موقعوں پر حق پرست سابق سٹی ناظم کی خدمات ہر شخص کو یاد آتی ہے کہ جنہوں نے اپنے قائد کی رہنمائی میں چار سال کے اندر کراچی کا نقشہ تبدیل کردیا اور اسی انتھک خدمت اور محنت کا نتیجہ ہے کہ آج نیو کراچی کیا کراچی کے اکثر علاقے بارش کی تباہ کاریوں سے نہ صرف محفوظ ہیں بلکہ سڑکوں اور میدانوں میں پانی کے جوہڑ نظر نہیں آتے ۔

جاری کردہ : ڈپٹی ٹاؤن آفیسر 

شعبہء اطلاعات و تعلقات عامہ

نیو کراچی ٹاؤن 



5th Jun 2010 News & Picture

5th Jun 2010 News & Picture

New Karachi Town News



ٹاؤن میونسپل ایڈمنسٹریشن نیو کراچی 

مورخہ:۵؍جون ۲۰۱۰ء 

کراچی ( )ایڈمنسٹریٹر نیو کراچی ٹاؤن سید کمال احمد نے رین ایمرجنسی کے پیش نظر ٹاؤن میں جاری نالوں کی صفائی کے کام کے معائنہ کے موقع پر کہاکہ بارش کے پانی کی نکاسی کا دارو مدار صاف ستھرے قابل استعمال سیوریج سسٹم پر ہے اگر نالے اور دیگر نکاسئی آب کے ذرائع بہتر ہونگے تو نہ صرف روزمرہ سیوریج واٹربہ آسانی گزر جائے گا بلکہ بارشوں میں پانی کی نکاسی میں کوئی دشواری نہیں ہوگی اور کسی بھی جگہ پانی کے جوہڑ نہیں بنیں گے۔انہوں نے مزید کہا کہ ٹاؤن انتظامیہ عوام کو شہری و معاشرتی زندگی کی سہولیات فراہم کرنے کے لئے دستیاب وسائل کو بروئے کار لارہی ہے جبکہ ٹاؤن آفس میں قائم شکایت سیل کا عملہ چوبیس گھنٹے عوام کی خدمت کے لئے مستعد ہے۔اس موقع پر انکے ہمراہ ٹی او (آئی ایس ) اقبال احمد خان،سپرنٹنڈنگ انجینئر (واٹر اینڈ سیوریج )کامران رشید،ڈی ٹی او ( بی اینڈ آر) نازش رضا،ڈی ٹی او (سینی ٹیشن )حسام جلالی ،ڈی ٹی او( لینڈ )عبدالمجید اور ڈی ٹی او (انفارمیشن) عالمگیر سیفی اور دیگر افسران بھی موجود تھے۔سید کمال احمد نے زیرو پوائنٹ گجر نالہ اسٹاپ سیکٹر 11-Jنیو کراچی سے لیکر تمام سیکٹرز میں برساتی نالوں کی صفائی کا بہ نفس نفیس جائزہ لیا اور متعلقہ عملے کو مستقل نگرانی کی ہدایت کی۔واضح رہے کہ رین ایمرجنسی نافذ ہونے کے بعد نیو کراچی ٹاؤن کے عملے کی چھٹیاں منسوخ کردی گئی ہیں اور ٹاؤن میں بارش اور طوفان کی ممکنہ پریشانیوں سے نمٹنے کے لئے دو (۲)ٹرک، دو(۲) ریسکیو گاڑیاں،دو (۲)سیوریج کلینکگ مشین ،درخت کاٹنے کے لئے الیکڑانک مشین اور ایکسیویٹر سے لیس تقریبا سو افراد کے عملے پر مشتمل خصوصی امدادی اسکواڈ قائم کردیا گیا ہے جو چوبیس گھنٹے چوکس رہ کر کسی بھی ہنگامی صورت حال میں شہریوں کی پریشانیوں کا سد باب کرنے پر مامور ہے۔ جبکہ نیو کراچی کے پانچ اسکولوں میں متاثرین بارش کے لئے امدادی کیمپ قائم کردئے گئے ہیں۔جبکہ نالوں کی جدید مشینوں کے ذریعے صفائی کے ساتھ ساتھ گلیوں ، محلوں،سروس روڈز اور چھوٹی سڑکوں کی مینول صفائی بھی جاری ہے تاکہ نیو کراچی ٹاؤن میں کسی بھی جگہ کوڑا کرکٹ یا کچرے کا ڈھیر نہ بن سکے۔

جاری کردہ : ڈپٹی ٹاؤن آفیسر 

شعبہء اطلاعات و تعلقات عامہ
نیو کراچی ٹاؤن 


ٹاؤن میونسپل ایڈمنسٹریشن نیو کراچی 

مورخہ:۵؍جون ۲۰۱۰ء ؁ 
کراچی ( ) حق پرست رکن صوبائی اسمبلی عادل خان نے نیو کراچی ٹاؤن کے ایڈمنسٹریٹر سید کمال احمد کے ہمراہ ٹاؤن میں رین ایمرجنسی کے پیش نظر ٹاؤن میں جاری نالوں کی صفائی کے کام کے معائنہ کے موقع پر کہاکہ قائد تحریک محترم الطاف حسین بھائی کی خصوصی ہدایت پر حق پرست قیادت ہر مشکل گھڑی میں عوام کے ساتھ ہے اور کسی بھی ناگہانی آفت سے نبر آزما ہونے کے لئے ہما وقت تیار ہے انھوں نے کہا کہ عوام کو تمام بنیادی سہولتوں کی فراہمی کے ساتھ ساتھ نیو کراچی ٹاؤن میں ایم اینز اور ایم پی ایز فنڈ ز سے ترقیاتی اسکیموں کے زریعے نیو کراچی ٹاؤن کو کراچی کا بہترین ٹاؤن بنانے کے لئے شب و روز کوشاں ہیں اس موقع پر ٹاؤن ایڈ منسٹریٹر نیو کراچی سید کمال نے کہا کہ بارشوں کے پیش نظر نیو کراچی ٹاؤن میں ایمرجنسی نافذ کر دی گئی ہے اور تمام افسران و عملہ ٹاؤن کی تمام مشنری کے ہمراہ فیلڈ میں موجود ہے اس موقع پر انھوں نے بتایا کے اس وقت ۵ عدد ایکسیویٹر اور ۱۰ عدد ڈمپر لوڈر برساتی نالوں کی صفائی پر مامور ہیں سید کمال نے کہ کہ بارش کے پانی کی نکاسی کا دارو مدار صاف ستھرے قابل استعمال سیوریج سسٹم پر ہے اگر نالے اور دیگر نکاسئی آب کے ذرائع بہتر ہونگے تو نہ صرف روزمرہ سیوریج واٹربہ آسانی گزر جائے گا بلکہ بارشوں میں پانی کی نکاسی میں کوئی دشواری نہیں ہوگی اور کسی بھی جگہ پانی کے جوہڑ نہیں بنیں گے۔انہوں نے مزید کہا کہ ٹاؤن انتظامیہ عوام کو شہری و معاشرتی زندگی کی سہولیات فراہم کرنے کے لئے دستیاب وسائل کو بروئے کار لارہی ہے جبکہ ٹاؤن آفس میں قائم شکایت سیل کا عملہ چوبیس گھنٹے عوام کی خدمت کے لئے مستعد ہے۔اس موقع پر انکے ہمراہ ٹی او (آئی ایس ) اقبال احمد خان،سپرنٹنڈنگ انجینئر (واٹر اینڈ سیوریج )کامران رشید،ڈی ٹی او ( بی اینڈ آر) نازش رضا،ڈی ٹی او (سینی ٹیشن )حسام جلالی ،ڈی ٹی او ،باغات اکبر حسین، ڈی ٹی او( لینڈ )عبدالمجید اور ڈی ٹی او (انفارمیشن) عالمگیر سیفی اور دیگر افسران بھی موجود تھے۔ حق پرست رکن صوبائی اسمبلی عادل خان نے سید کمال احمدکے ہمراہ زیرو پوائنٹ گجر نالہ اسٹاپ سیکٹر 11-Jنیو کراچی سے لیکر تمام سیکٹرز میں برساتی نالوں کی صفائی کا بہ نفس نفیس جائزہ لیا اور متعلقہ عملے کو مستقل نگرانی کی ہدایت کی۔واضح رہے کہ رین ایمرجنسی نافذ ہونے کے بعد نیو کراچی ٹاؤن کے عملے کی چھٹیاں منسوخ کردی گئی ہیں اور ٹاؤن میں بارش اور طوفان کی ممکنہ پریشانیوں سے نمٹنے کے لئے دو (۲)ٹرک، دو(۲) ریسکیو گاڑیاں،دو (۲)سیوریج کلینکگ مشین ،درخت کاٹنے کے لئے الیکڑانک مشین اور ایکسیویٹر سے لیس تقریبا سو افراد کے عملے پر مشتمل خصوصی امدادی اسکواڈ قائم کردیا گیا ہے جو چوبیس گھنٹے چوکس رہ کر کسی بھی ہنگامی صورت حال میں شہریوں کی پریشانیوں کا سد باب کرنے پر مامور ہے۔ جبکہ نیو کراچی کے پانچ اسکولوں میں متاثرین بارش کے لئے امدادی کیمپ قائم کردئے گئے ہیں۔جبکہ نالوں کی جدید مشینوں کے ذریعے صفائی کے ساتھ ساتھ گلیوں ، محلوں،سروس روڈز اور چھوٹی سڑکوں کی مینول صفائی بھی جاری ہے تاکہ نیو کراچی ٹاؤن میں کسی بھی جگہ کوڑا کرکٹ یا کچرے کا ڈھیر نہ بن سکے۔ 

جاری کردہ 
ڈپٹی ٹاؤن آفیسر

 (انفارمیشن ) 

محکمہ اطلاعات و تعلقات عامہ 

نیو کراچی ٹاؤن 

4th Jun 2010 News & Picture

4th Jun 2010 News & Picture

New Karachi Town News


ٹاؤن میونسپل ایڈمنسٹریشن نیو کراچی ٹاؤن 

مورخہ:۴جون ۲۰۱۰ء ؁

کراچی( ) ٹاؤن میں جاری تمام ترقیاتی کام برسات سے قبل مکمل کر لئے جائیں ان خیالات کا اظہار نیو کراچی کے ایڈمنسٹریٹر سید کمال احمد نے ۲۳۰۰ روڈ پر سیوریج لائن ڈالنے کے کام کا معائنہ کرتے ہوئے کیا سید کمال نے کہا کہ عوام کو تمام بنیادی سہولتوں کی فراہمی ٹاؤن انتظامیہ کی ذمہ داری ہے اور اس سلسلے میں کسی قسم ی روکاوٹ برداشت نہیں کی جائیگی انھوں نے کہا کہ ٹاؤن میں جاری ترقیاتی کام برسات سے قبل ہر صورت میں مکمل کئے جائے اس موقع پر ٹاؤن آفیسر انفرا اسٹریکچر اقبال احمد خان ، سپریٹینڈنگ انجینئر واٹر اینڈ سیوریج کامران رشید ، ڈپٹی ٹاؤن آفیسر سینی ٹیشن حسام جلالی ، ڈپٹی ٹاؤن آفیسرباغات اکبر حسین،ڈپٹی ٹاؤن آفیسرمیکینکل اینڈ الیکٹریکل تاج محمد پٹھان ، انچارج وہیکل پول ندیم حیدراور ڈپٹی ٹاؤن آفیسرانفارمیشن عالمگیر سیفی بھی انکے ہمراہ تھے ٹاؤن ایڈمنسٹریٹر نے ۲۳۰۰ روڈ پر زیر تعمیر سڑک کی تعمیر سے قبل سیوریج اور برساتی نالوں کی تعمیر و مرمت کے کام کا معائنہ کرتے ہوئے کہا کہ ٹاؤن انتظامیہ بلا تفریق رنگ و نسل عوام کی خدمت پر یقین رکھتی ہے انہوں نے متعلقہ ڈپارٹمنٹس کے افسران کو ہدایت کی کہ عوامی خدمت کے حوالے سے کسی بھی قسم کی کوتاہی برداشت نہیں کی جائیگی انھوں نے کہا کہ ترقیاتی منصوبوں کی تکمیل کو مقرر ہ وقت پر یقینی بنانے کے لئے تندہی سے کام کیا جائے تاکہ لوگوں کو ترقیاتی کاموں کے دوران آمد و رفت کے حوالے سے درپیش مشکلات کا جلد از جلد خاتمہ ممکن بنایا جاسکے انھوں نے کہا کہ ٹاؤن کی حدود میں جاری بڑے پیمانے پر شروع کئے جانے والے ترقیاتی منصوبوں کی تکمیل سے عوام کو بہتر سہولتیں ان کی دہلیز پر میسر آسکیں گی واضح رہے کہ یونین کونسل نمبر۲ سیکٹر 11- B اور 11-A نارتھ کراچی 2400روڈ تک جانے والی سیوریج لائن 3350 فٹ لمبی ۲۴ انچ ڈایاکی سیوریج لائن کا کام تقریبا آخری مراحل میں داخل ہوگیا ہے جبکہ گھروں سے آنے والی 15انچ قطر کی سیوریج لائنیں بھی تکمیل کے مراحل طے کرچکی ہے، سیوریج لائن ڈالنے کا کام مکمل ہوتے ہی سڑک کی تعمیر کا کام شروع ہوجائیگا سید کمال احمد نے سیوریج لائن کی تنصیب کے کام کو معیارکے مطابق قرار دیتے ہوئے تندہی سے مصروف عملے کی تعریف کی اور انھیں ہدایت کی کہ وہ معیاری کام کو یقینی بنائے اور اس حوالے سے کسی قسم کی کوتاہی نہ برتیں انھوں نے کہا کہ نئی سیوریج لائن کی تنصیب سے نہ صرف عوام کو نکاسی آب کے حوالے سے درپیش مشکلات کا خاتمہ ہوگا بلکہ بارش کے بعد سڑکوں پر جمع ہونے والے پانی سے بھی نجات حاصل کی جاسکے گی جبکہ نئی سڑک کی تعمیر آمد و رفت اور ٹریفک کی روانی میں بہتری کا سبب بنے گی۔ انھوں نے کہا کہ ٹاؤن کی حدود میں جلدہی وسیع پیمانے پر عوامی فلاح و بہبود کے منصوبوں کا آغازکیا جائیگا جن کی تکمیل سے عوام کی زندگیوں میں خوشگوار تبدیلی رونما ہونگی 

جاری کردہ ۔ 

عالمگیر سیفی
ڈپٹی ٹاؤن آفیسر 
محکمہ اطلاعات و تعلقات عامہ 

3rd Jun 2010 News & Picture

3rd Jun 2010 News & Picture

New Karachi Town News


مورخہ:۳جون ۲۰۱۰ء

نیوکراچی ٹاؤن میں متوقع بارشوں کے پیش نظر ریلیف کیمپوں کے قیام کیلئے انتظامات کا آغاز 

ٹی ایم اے نے جگہ کے تعین اور کیمپوں میں تمام تر سہولتوں کی فراہمی کیلئے ہنگامی اقدامات شروع کردےئے 

کراچی ۔۔۔۔۔ایڈمنسٹریٹر سید کمال احمد نے کہا ہے کہ متوقع بارشوں کے پیش نظر ٹاؤن کی حدودمیں ریلیف کیمپوں کے اور اسپیشل گینگ کی تشکیل کے انعقاد کیلئے انتظامات کو فوری طو ر پر حتمی شکل دی جائے ان خیالات کا اظہار انہوں نے بارشوں کے موقع پر کئے جانے والے انتظامات کا جائزہ لیتے ہوئے کہی اس موقع پر ٹی او آئی ایس اقبال احمد خا ن ۔ڈی ٹی او بی اینڈآر نازش رضا ،ڈی ٹی او سینی ٹیشن حسام جلالی ،ڈی ٹی او ایم اینڈای تاج محمد ، ڈی ٹی او باغات اکبر حسین اور ڈی ٹی او انفارمیشن عالمگیر سیفی بھی ہمراہ تھے سیدکمال احمد نے کہاکہ متوقع بارشوں کے پیش نظر متاثر ہونے والے لوگوں کیلئے مختلف اسکولوں اور محفوظ مقامات پر ریلیف کیمپوں کے انعقاد کیلئے اقدامات کا آغاز کردیا گیاہے جہاں پر لوگوں کو تمام تر سہولتوں کی فراہمی کو ہر صورت ممکن بنایا جائے گا انہوں نے کہا کہ برساتی نالوں کی صورتحال پر بھی کڑی نظر رکھی جائے تاکہ برسات کے موقع پر پانی کی روانی میں کوئی خلل واقع نہ ہونے پائے اور برساتی پانی بغیر کسی رکاوٹ کے آگے بڑھتا رہے انہوں نے اس موقع پرکہا کہ عوام محکمہ موسمیات کی پیشنگوئی کے بعد خوف وہراس میں مبتلا ہوگئے ہیں لیکن ٹی ایم اے نے بارشوں کے دوران کسی بھی مشکل صورتحال سے فوری نمٹنے کیلئے فول پروف انتظامات کررکھے ہیں جس کیلئے تمام تر وسائل کوبروئے کار لایا جارہا ہے انہوں نے کہاکہ ٹاؤن میں کسی بھی ناکہانی صورت حال سے نمٹنے کے لئے اسپیشل فورس تیار کی ہے جسمیں ٹاؤن کی اپنی ریسکیو سروس ،اایم ٹی ایل وینز،سیز فل وینز ،الیکٹریکل آری ،سرچ لائٹس ،کلہاڑیاں ،رسے ،اور 100 نوجوانوں کا ہراول دستہ جسمیں محکمہ سینی ٹیشن ،محکمہ باغات ،محکمہ بلڈنگ و روڈ ،محکمہ لینڈ کے ساتھ ساتھ محکمہ انتظامیہ کے افسران و عملہ شامل ہے جو کسی بھی ہنگامی صورت حال سے بخوبی نمٹنے کی صلاحیت رکھتا ہے سید کمال نے کہا کہ ٹاؤن کے افسران اور عملے کی چھٹیا ں بھی منسوخ کردی گئی ہیں اور اگر کوئی بھی ٹاؤن افسر یا اہلکار کسی بھی قسم کی غفلت یا لاپرواہی کامر تکب پایا گیاتو اس کے خلاف سخت تادیبی کاروائی عمل میں لائی جائے گی انہوں نے اس موقع پر سینی ٹیشن عملے کو ہدایت کی کہ وہ برسات کے موقع پراپنی ذمہ داریاں احسن طریقے سیسرانجام دے تاکہ عوام کوکسی بھی حوالے سے کوئی مشکلات کا سامنا نہ کرنا پڑے انہوں نے کہا کہ متعلقہ افسران روزانہ کی بنیاد پر علاقے سے گزرنے والے تمام برساتی نالوں کامعائنہ کریں تاکہ برساتی پانی کی روانی میں پیش آنے والی کسی بھی مشکل صورتحال کوفوری تدارک کیا جاسکے انہوں نے اس موقع پر افسران کو ہدایت کی کہ ٹاؤن آفس میں بارش کے دوران قائم کئے جانے والے ایمرجنسی سینٹر پر عوام کی شکایات کا فوری اذالہ کیاجائے تاکہ انہیں کسی بھی مشکل صورتحال سے بروقت نکالاجاسکے انہوں نے اس موقع پر عوام سے اپیل کی کہ بارشوں کے دوران زیادہ سے زیادہ وقت اپنے گھروں میں گزاریں اور بلاوجہ گھروں سے باہر نکلنے سے گریز کریں کیونکہ بارشوں کے دوران زیادہ تر حادثات بجلی کا کرنٹ لگنے یا پھر سائن بورڈز وغیرہ کے گرنے کے باعث رونماء ہوتے ہیں لہذا عوام بارشوں کے دوران بجلی کے کھمبوں اور سائن بورڈز وغیرہ سے دورہیں 

جاریکردہ ۔ عالمگیر سیفی
ڈپٹی ٹاؤن آفیسر 
محکمہ اطلاعات و تعلقات عام

2nd Jun 2010 News & Picture

2nd Jun 2010 News & Picture

New Karachi Town News



ٹاؤن میونسپل ایڈمنسٹریشن نیو کراچی

نیو کراچی ٹاؤن میں رین ایمرجنسی کا نفاذ

سمندری طوفان اور بارشوں کی پیش گوئی کے پیش نظر ٹاؤن ایڈمنسٹریٹر کا ہنگامی بنیادوں پر اقدام 
نیو کراچی ( ) محکمہء موسمیات کی جانب سے سندھ کے ساحلوں پربشمول کراچی سمندری طوفان اور بارشوں کی پیشنگوئی کے حوالے سے بلائے گئے ہنگامی اجلاس کی صدارت کرتے ہوئے نیو کراچی ٹاؤن کے ایڈمنسٹریٹر سید کمال احمد نے ہنگامی اجلاس کی صدارت کرتے ہوئے متعلقہ محکموں کے ٹاؤن افسران کو ہدایت دی کہ بارشوں کے سبب پیدا ہونے والی کسی بھی ممکنہ ہنگامی صورت حال سے نمٹنے کے لئے ہر لمحہ تیار رہا جائے اور نیو کراچی ٹاؤن کی عوام کو ریلیف پہنچانے کیلئے ٹاؤن انتظامیہ اپنے تمام تر دستیاب وسائل برؤے کار لائے تاکہ نیو کراچی ٹاؤن میں بارانِ رحمت کسی قسم کی زحمت کا سب نہ بنے۔ اجلاس میں رین ایمرجنسی کے نفاذکا فیصلہ کیا گیا اور نیو کراچی ٹاؤن کے تمام افسران و عملے کی چھٹیاں منسوخ کر دی گئیں ۔ اجلاس میں ٹاؤن آفیسر انفرا اسٹریکچر اقبال احمد خان ، سپریٹنڈنگ انجینئر واٹر اینڈ سیوریج کامران رشید، ڈپٹی ٹاؤن آفیسر سینی ٹیشن حسام جلالی،ڈپٹی ٹاؤن آفیسربلڈنگ و روڈ نازش رضا ،ڈپٹی ٹاؤن آفیسرلینڈ عبدالمجید، ڈپٹی ٹاؤن آفیسرباغات اکبر حسین،ڈپٹی ٹاؤن آفیسرانفارمیشن عالمگیر ،انچارج وہیکل ندیم حیدر نے شرکت کی ایڈمنسٹریٹر نیو کراچی نے بتایا کہ رین ایمرجنسی کے حوالے سے تمام تر انتظامات مکمل کر لئے گئے ہیں برساتی پانی کی نکاسی کے لئے برساتی نالوں کی صفائی کا کام قبل از وقت ہی مکمل کرالیا گیا ہے جبکہ کسی بھی ناگہانی صورت حال سے نمٹنے کے لئے تمام ہیوی مشنری و وہیکل آن روڈ کردئیے گئے ہیں جبکہ دوران برسات عوام کو بروقت سہولتوں کی فراہمی کے لئے تمام یونین کونسلز کو شکایتی مراکز کا درجہ دے دیا گیا جبکہ ٹاؤن آفس میں مرکزی کنٹرول روم کو فعال بنانے کے علاوہ رین ایمرجنسی کے دوران عوامی شکایت کے فوری ازالے کے لئے اسپیشل ٹیمیں بھی تشکیل دے دی گئی ہیں سید کمال نے مزید کہا کہ ٹاؤن میونسپل ایڈمنسٹریشن واٹر اینڈ سیوریج بورڈ کے عملے کے ساتھ ساتھ محکمہ صحت کے ڈاکٹرز کو بھی الرٹ رہنے کی ہدایت جاری کر دی گئی ہیں تاکہ بارشوں کے سبب ممکنہ حادثات و بیماریوں سے فوری طور پر بطریقِ احسن نمٹا جاسکے۔

جاری کردہ:
ڈپٹی ٹاؤن آفیسر
(شعبہء اطلاعات و تعلقات عامہ)
نیو کراچی ٹاؤن

1st Jun 2010 News & Picture

1st Jun 2010 

New Karachi Town News